Nema søkir eftir forritara
- Brennir tú fyri forritan og góðum loysnum? Ynskir tú tær eitt starv, sum er bæði avbjóðandi, læruríkt og persónligt mennandi? So er tað allarhelst tær, vit leita eftir!
Nema hevur alsamt vaksandi virksemi, og leita vit tí eftir einum dugnaligum
forritara til at gerast partur av okkara menningardeild.
Um starvið
Tú verður partur av einum dugnaligum toymi av starvsfólkum, sum arbeiða við menning av skipanum. Tín uppgáva í toyminum verður at menna nýggjar og spennandi skipanir, umframt okkara núverandi skipanir:
• Nema Bókhald • Nema Løn • Netløn • Nema Journal
• Nema Tíð • Nema Starv • Vátta
Talan er um eitt fast starv á 40 tímar um vikuna, har møguleiki er at arbeiða á
einari av okkara deildum í Klaksvík, Runavík ella Tórshavn.
Um teg
Vit ímynda okkum, at tú hevur eina viðkomandi útbúgving innan KT, so sum bachelor í KT-verkfrøði ella líknandi. Tað er ein fyrimunur, um tú hevur áhuga og royndir innan nøkur av hesum økjunum:
• Angular e.l. • .Net
• MS Sql • WPF
Vit ímynda okkum eisini, at tú hevur:
• Góð evni at samstarva
• Skipað og analytisk evni
• Nærlagni og er framsøkin
• Góð evni at samskifta munnliga og skrivliga
• Skil fyri, hvussu loysnir verða skrúvaðar saman
Um okkum
Vit kunnu bjóða
tær eitt gott, fjølbroytt og spennandi starv í einum professionellum umhvørvi,
har tú fært møguleikar at menna teg persónliga. Fakliga sleppur tú at seta tíni
fingramerki á arbeiðsdagin, og tú fært uppgávur og ábyrgd í samsvari við tínar
vaksandi førleikar.
Løn og setanartreytir eru sambært avtalu.
Umsóknir
Vilt tú vita meira um starvið, ert tú vælkomin at seta teg í samband við Oddfríður Petersen á tel. 79 42 62 ella á [email protected].
Umsóknir skulu sendast til Nema á [email protected] í seinasta lagi 31. desember 2021.
Starvið verður sett skjótast gjørligt, men vit bíða fegin eftir rætta persóninum.
Allir fyrispurningar og umsóknir verða viðgjørd í trúnaði.