Skrivari til Vísindasiðseminevndina
Skrivari til Vísindasiðsemisnevndina
Nýtt hálvtíðarstarv sum skrivari hjá
Vísindasiðseminevndini er leyst at søkja.
Uppgávan hjá Vísindasiðseminevndini er at meta
um og geva loyvi til heilsuvísindaligar
granskingarverkætlanir í Føroyum.
Talan er um eitt spennandi og avbjóðandi starv,
har tú kemur at arbeiða í tøttum samstarvi við
Vísindasiðseminevndina við staðseting í
Heilsumálaráðnum.
Arbeiðsuppgávur
• At málsviðgera og fyrireika mál til støðutakan
í Vísindasiðseminevndini, herundir lýsa og
viðgera umsóknir um góðkenning av
heilsuvísindaligum granskingarverkætlanum
• At ráðgeva og vegleiða
Vísindasiðseminevndini í mun til løgfrøðilig
ivamál og málsviðgerð
• At fyrireika eftirlit við góðkendum
heilsuvísindaligum granskingarverkætlanum
sambært vísindasiðsemilógini
• At vera skrivari hjá Vísindasiðseminevndini
og hava ábyrgd av journali, bókhaldi o.l.
Førleikakrøv
• Útbúgvin ella væl ávegis í útbúgving innan
t.d. løgfrøði, samfelagsfrøði, sosialvísindi,
fólkaheilsu ella heilsufakliga útbúgving við
yvirbygningi í t.d. fólkaheilsu.
• Tú megnar at arbeiða sjálvstøðugt, ert
praktiskt orienterað/ur, væl skipað/ur
persónur
• Tú hevur góðar førleikar innan málsviðgerð
og góð samstarvsevni
• Tú dugir væl at orða teg í skrift og talu á
føroyskum, donskum og enskum
• Tú ert væl fyri fakliga og hevur ágrýtni at seta
teg inn í nýggja lóggávu og málsgongdir
• Royndir innan almenna fyrisiting eru ein
fyrimunur, men ikki eitt krav
Vit bjóða
• Áhugavert, sjálvstøðugt og avbjóðandi starv,
har týdningarmiklar avgerðir verða tiknar
• Fleksibult arbeiði í tøttum samstarvi við
forkvinnuna í nevndini
Lønar- og setanartreytir
Starvið er eitt fast hálvtíðar starv. Starvið verður
sett sambært sáttmála millum Fíggjarmálaráðið
og avvarandi fakfelag.
Tann, ið settur verður, má kunna tola broytingar í
starvinum, og at økið verður umskipað til eisini
at fevna um aðrar uppgávur.
Umsóknir
Umsóknir, saman við avriti av prógvum, lívsrensli
og møguligum viðmælum, skulu verða okkum í
hendi í seinasta lagi 28. april 2024.
Setanarsamrøður verða hildnar viku 18.
Umsóknir skulu sendast sum teldubræv til
Vísindasiðseminevndina - teldupostur:
Meira fæst at vita um starvið við at venda sær til
Gunnhild Helmsdal, forkvinnu, á tel 263010 ella
á telduposti [email protected]
Endamálið hjá Vísindasiðseminevdini er at tryggja, at heilsuvísindaligar granskingarverkætlanir eru skipaðar á vísindasiðsemiligum tryggum grundarlagi. Sum grundregla, skulu rættindi og
tryggleiki hjá royndarpersónum takast framum vísindalig og samfelagslig áhugamál í heilsugransking. Uppgávan hjá Vísindasiðseminevndini er at meta um og geva loyvi til at
seta heilsuvísindaligar granskingarverkætlanir í verk í Føroyum. Í Vísindasiðseminevndini eru 7 limir, sum eru valdir fyri 4 ár í senn.