Heilsuskúli Føroya søkir eftir lærara

Heilsuskúlin søkir eftir lærara til ársvikariat, frá 1. august 2021. Starvið er ¾ tíð.
Viðkomandi skal hava útbúgving sum sjúkrarøktarfrøðingur ella samsvarandi á bachelor støðið og hava í minsta lagið 2 ára starvsroyndir innan økið.

Um starvið
Starvið fevnir m.a. um:
• Undirvísing
• Næmingasamrøður
• Vegleiðing til verkætlanarskriving
• Próvtøkuhald
• Starvsvenjingarvitjanir runt landið
• Luttaka á toymisfundum
• Samábyrgd av at menna útbúgvingarnar
• Samábyrgd av øllum virksemi á skúlanum

Starvsfólkini hava fasta arbeiðstíð á staðnum. Arbeiðið verður lagt til rættis sum toymisarbeiðið, í tøttum tvørfakligum samstarvi, millum lærararnar á skúlanum. Starvið inniber vitanardeiling millum starvsfólkini, og gott samstarv er tískil eitt lyklaorð.

Tað er týdningarmikið at viðkomandi dámar væl at samstarva, er jaligur og fleksibul. Starvið hevur við sær, krav um loknað námsfrøðiliga útbúgving í seinasta lagið 2 ár eftir starvssetan.
Starvið verður lønt sambært sáttmála millum Fíggjarmálaráðið og viðkomandi yrkisfelag.

Fleiri upplýsingar
kunnu fáast við at venda sær til Vivie Davidsen stjóra, á telefon 294200 ella við telduposti til [email protected]

Umsóknarfreistin er fríggjadagin 25. juni 2021.
Umsókn, saman við avriti av prógvum v.m., skulu sendast við telduposti til Heilsuskúla Føroya til [email protected], stílað til Vivie Davidsen, stjóra.

Heilsuskúli Føroya byrjaði í 2001. Á skúlanum starvast 12 lærarar í føstum starvið umframt tímalærarar. Skúlin húsast í sama bygningi sum miðnámsskúlin í Suðuroy. Skúlin leggur stóran dent á gott samstarv og gott arbeiðsumhvørvi. Á H eilsuskúlanum ber til at lesa til heilsuhjálpara, heilsurøktara og námsfrøði hjálpara.