Farloyvisstarv í ambulansutænastuni á Suðuroyar Sjúkrahúsi
Søkt verður eftir einum fólki til farloyvisstarv í ambulansutænastuni á Suðuroyar Sjúkrahúsi í tíðarskeiðinum frá 1. mai 2023 til og við 31. mars 2024. Talan er um fulltíðarstarv svarandi til 40 tímar um vikuna í skiftandi vaktum.
Ambulansutænastan er ein deild við nógvum ymiskum uppgávum. Ein av høvuðsuppgávunum er at vera ein bráðfeingishjálp í samband við lívbjargandi arbeiði. Harnæst er uppgávan flutningur av sjúkum og skaddum fólki og fólkum, ið eru rørslutarnað. Eisini hevur tænastan ábyrgd av øllum portørarbeiði, ið er á sjúkrahúsinum. Alt hetta setir stór krøv til starvsfólkið, ið mangan kemur at arbeiða undir serstøkum umstøðum.
Starvsøkið hjá ambulansutænastuni fevnir um Suðuroy. Her starvast í løtuni 6 fólk. Deildin hevur 6 bilar, íroknað 3 ambulansar og ein átaksbil, og er túratalið umleið 1100 patienttúrar árliga.
Vit vænta, at tú
• ert tænastusinnað/ur, fyrikomandi og hevur góð samstarvsevni
• sært avbjóðingar fram um avmarkingar
• hevur evni til at orða teg bæði munnliga og skrivliga
• tekur ábyrgd og arbeiðir sjálvstøðugt
• ert fús/ur til at broyta teg við nútíðini
• líkur tey krøv, ið stovnurin setur í mun til at skapa eitt umhvørvi við trivnaði og menning í hásæti.
Dentur verður lagdur á, at tú
• hevur og hevur havt koyrikort til vanligan bil í minst eitt ár
• hevur koyrikort til C ella D
• hevur reina revsiváttan
• hevur prógv í 1. hjálp
• hevur góðan fysik og heilsu
• hevur sjón, ið gevur møguleika at taka vinnuligt koyrikort
• dugir at miðla vitan bæði til starvsfelagar og aðrar starvsbólkar
• hevur telduførleika á brúkarastøði
• Tað kann vera ein fyrimunur at hava heilsufakliga útbúgving.
Vit bjóða
• felags innleiðslu og upplæring á deildini
• fakliga kompetentar og virknar starvsfelagar
• tvørfakligt samstarv
• ein fakliga spennandi og mennandi gerandisdag
• eitt dynamiskt arbeiðspláss við fjølbroyttum avbjóðingum
Tey, ið verða boðin til samrøðu, verða biðin um hava læknaváttan og revsiváttan við.
Løn- og setanartreytir eru smb. sáttmála millum Fíggjarmálaráðið og Starvsfelagið.
Meira fæst at vita um starvið við at venda sær til Hjalgrím Andreasen, leiðandi portør á tlf. 224914 ella umvegis teldupost [email protected]
Umsókn við CV skal sendast til [email protected] og skal vera okkum í hendi í seinasta lagi 6. apríl 2023.
Sjúkrahúsverkið fevnir um tey trý sjúkrahúsini Landssjúkrahúsið, Klaksvíkar sjúkrahús og Suðuroyar sjúkrahús. Okkara uppgáva er at veita øllum dygdargóðar heilsutænastur, ið fevna frá gitnaði til seinastu fráferð.
Vit eru trý sjúkrahús, sum samskifta, virka og skapa eftir felags virðum. Í Sjúkrahúsverkinum vísa vit virðing fyri sjúklingunum, avvarðandi og starvsfólki, og miða altíð eftir at veita rættstundis sjúkugreinan og viðgerð við skipaðum sjúklingagongdum.
Sjúkrahúsverkið er eitt fjølbroytt arbeiðspláss, har virðini stev, áræði og flog, eru okkara kumpass, sum vit brúka í okkara yrki í gerandisdegnum. Í Sjúkrahúsverkinum starvast út við 1.200 starvsfólk innan 30 ymiskar fakbólkar.
Á heimasíðu okkara www.ssh.fo kanst tú lesa um okkara visjón, missión og strategimál undir leinkjuni ”Sjúkrahúsið”.