Norðurlandahúsið í Føroyum søkir eftir tekniskum framleiðara
Norðurlandahúsið í Føroyum hevur eitt nýtt nýskipað starv sum tekniskur framleiðari. Vit søkja eftir einum persóni við breiðum framleiðsluroyndum innan mentanartiltøk, og góðum førleika fyri skipaðari ráðlegging av tiltøkum.
Sum tekniskur framleiðari
hevur tú ábyrgd fyri tøknuligu og verkligu ráðleggingini og samskipanini av
tiltøkum í Norðurlandahúsinum. Tú skalt vera før/ur fyri at samskipa og fylgja
framleiðslum á stovninum, frá ráðlegging til fremjing, í samstarv við
verkætlanarleiðara og starvsfólkum innan tøkni.
Tú skalt hava holla vitan og
royndir um hvat fyri tørvur er tengdur at ymiskum sløgum av tiltøkum, og á
hvønn hátt tiltøkini verða væl framd. Í tínum arbeiði skalt tú tryggja góða
tøkniliga ráðlegging, samskipan, tilfeingisnýtslu og búskap. Hetta hevur m.a.
við sær útvegan av tænastum og útgerð, viðlíkahald og vegleiðing í nýtslu av
verandi útgerð.
Vit vænta, at tú hevur:
- · Breiðan tøkniligan førleika og fatan
- · Góðar framleiðsluroyndir innan ymisk mentanartiltøk, íroknað samskipan av starvsfólkatilfeingi
- · Góðan røkiskap, og dugir at gera munadyggar mannagongdir fyri leiklistaliga framleiðslu
- · Góðan samstarvsførleika - førleika og hug til at samstarva við starvsfelagar, listafólk og fyriskiparum
- · Góðan samskiftisførleika
- · Talgildan førleika
Tú ert tænastusinnað/ur og
fleksibul.
Tú kanst arbeiða
sjálvstøðugt og eigur stóra ábyrgdarkenslu.
Tær dámar væl at arbeiða í
toymi.
Tú tosar og skrivar eitt av
teimum norðurlendsku málunum , umframt enskt.
Arbeiðstíðirnar eru
skiftandi og roknast kann við kvøld- og vikuskiftisarbeiði eftir tørvi.
Vit kunnu bjóða tær eitt
starv í einum spennandi og livandi arbeiðsumhvørvi, har eingin dagur er eins.
Vit ynskja at vera ein stovnur í støðugari menning, og meta vit at felagsskapur
og toymi hevur nógv at siga fyri at røkka okkara høvuðsmálum .
Løn og setanartreytir
sambært sáttmálanum millum Fíggjarmálaráðið, Starvsfelagið og Norðurlendska
Ráðharraráðnum. Setanartíðin er tíðaravmarkað til fýra ár, við møguleika fyri
longdari starvstíð. Serlig viðbót er til persónar, sum verða settir úr øðrum
londum enn Føroyum. Vit stremba eftir jøvnum kynsbýti.
Umsóknarfreistin er úti 19.
november 2021. Umsókn og lívsrensl skal sendast talgilt umvegis www.norden.org.
Vit ynskja, at tann sum
verður sett/ur, tekur við starvinum skjótast gjørligt.
Í umsóknini skalt tú greiða
frá viðkomandi royndum og førleikum, og grundgeva fyri, hví tú søkir starv í
Norðurlandahúsinum í Føroyum. Umsóknin kann skrivast á føroyskum ella einum
norðurlendskum máli.
Hevur tú spurningar um
starvið, kanst tú seta teg í samband við Gunn Hernes, stjóra, á [email protected]
ella ringja til móttøkuna á tlf. 35 13 51.
Norðurlandahúsið í
Føroyum (NLH)
Norðurlandahúsið í Føroyum
(1983) er ein mentanarstovnur í Tórshavn. Tað verður rikið sum eitt
norðurlendskt lista- og mentanarhús við fjølbroyttum virksemi. Norðurlandahúsið
er eitt av teimum mest týdningarmiklu amboðunum hjá Norðurlendska
Ráðharrastovninum til at fremja politisku raðfestingarnar av mentanarliga
norðurlendska samstarvinum.
Norðurlandahúsið er ein
Green Key-góðkend fyritøka, og sum ráðstevnustað viðurkent við fimm stjørnum frá
Horesta.