Gigni søkir eftir heilsufrøðingum til eitt fast starv og eitt avloysarastarv

Vilt tú arbeiða sum heilsufrøðingur?

Gigni søkir eftir heilsufrøðingum til eitt fast starv og eitt avloysarastarv

Størvini eru:

40 tímar fast starv á smábarnaøkinum í Sunda kommunu, Eiðis kommunu og Tórshavnar kommunu.

37,5 tímar avloysarastarv á smábarna- og skúlaøkinum í Vestmanna- Kvívíkar- og Tórshavnar kommunu. Starvið endar tann 28. februar 2022.

Størvini verða sett frá 1. august 2021, ella eftir nærri avtalu.

Í umsóknini skal verða tilskilað, hvat starv verður søkt.

Vit kunnu bjóða:
• sjálvstøðugt, spennandi og avbjóðandi starv
• fakligt mennandi umhvørvi
• at vera partur av einum samstarvstoymi við jaligum og eldhugaðum starvsfelagum

Førleikakrøv:
• útbúgving sum heilsufrøðingur
• løggilding sum sjúkrarøktarfrøðingur
• góð evnir at samstarva við leiðslu, starvsfelagar o.o.
• ábyrgdarfullur og álitisvekjandi
• áhugaður fyri fakligari menning

Møguleiki er eisini hjá sjúkrarøktarfrøðingum at søkja starvið, um teir lúka upptøkutreytirnar at lesa til heilsufrøðing.

Upptøkutreytirnar eru:
• útbúgving sum sjúkrarøktarfrøðingur og danska løggilding
• royndir sum sjúkrarøktarfrøðingur, sum svara til minst tvey ár við fullum setanarbrøki. Hesar royndir skulu vera frá minst tveimum av ávikavist føði- og barsilsdeild, neonatologi, pædiatri, barna- og ungdómspsykiatri, læknaviðtalu og heimarøkt. Minst ein av hesum starvssetanunum skal hava verið í minsta lagi 8 mánaðir til longdar.

Yvirskipað kunnu broytingar væntast í mun til raðfestingar og mannagongdir í samband við menningartilgongd.

Lønar- og setanartreytir:
Løn sambært sáttmála millum Felagið Føroyskir Sjúkrarøktarfrøðingar og Fíggjarmálaráðið.

Umsókn við prógvum, CV og øðrum viðkomandi skjølum skal sendast til [email protected] ella til Heilsutrygd, Postsmoga 52, Klaksvíksvegur 7, FO-700 Klaksvík.

Umsóknin skal verða Heilsutrygd í hendi í seinasta lagi týsdagin 27. apríl 2021.

Vilt tú vita meira um starvið, ert tú vælkomin at seta teg í samband við Elin Ziska, fakligan stjóra í Gigni, [email protected], tlf. 562310.