Søkt verður eftir grannskoðara


Tann 22. oktober 2019

 

Spennandi starv sum grannskoðari er leyst at søkja.

Arbeiðið á stovninum er sjálvstøðugt, áhugavert og fjølbroytt, og fevnir um at grannskoða almennar stovnar og skipanir.

Tann, sum verður settur, skal hava hægri útbúgving innan grannskoðan, roknskap, løgfrøði, KT ella aðra viðkomandi útbúgving og duga væl at skriva, serliga á føroyskum. Fyrimunur er at hava royndir innan almenna ella privata umsiting.

Lønar- og setanarviðurskifti eru sambært sáttmála ímillum Fíggjarmálaráðið og viðkomandi yrkisfelag.

Skrivlig umsókn við avriti av prógvum, viðmælum o.ø. skal sendast til:

Landsgrannskoðanina

Traðagøta 43

Postrúm 2053

165  Argir

ella í telduposti til: postur@lg.fo.

Freistin at søkja starvið er 12. november 2019. Nærri fæst at vita um starvið við at venda sær til Beintu Dam, á tlf. 355100 ella 226301. Fyrispurningar verða viðgjørdir í trúnaði.

Tú kanst fáa meira at vita um Landsgrannskoðanina á heimasíðu okkara: www.lg.fo. 

LANDSGRANNSKOÐANIN er ein óheftur stovnur undir Løgtinginum, sum virkar sambært Ll. nr. 25 frá 21. apríl 1999 ”um grannskoðan av landsroknskapinum v.m.”