Formaður til verklagsarbeiði hjá J&K PETERSEN

Søkt verður eftir formanni til verklagsarbeiði. Starvið fevnir um at loysa spennandi og avbjóðandi uppgávur á verkætlanum innan verklagsarbeiði. Tú skalt vera við til at fyrireika uppstartin av ymiskum arbeiðum og kemur at verða ein lyklapersónur á verkætlanini.

Í samstarvi við leiðsluna á plássinum skalt tú leiða og býta út arbeiðsuppgávur til starvsfólkahópin.

Vit vænta, at tú hugsar í praktiskum loysnum og ert drívandi megin á plássinum.

Førleikakrøv   

Um tú hevur royndir sum formaður ella royndir við verklagsarbeiði og ert vanur við at ganga undan, ert tú møguliga tann rætti til starvið.

Tað er ein fyrimunur, at tú ert útlærdur byggismiður ella rørleggjari.

J&K Petersen setir trygdina fyri arbeiðsfólki í hásæti. Tí skal tú hava neyðugan hugburð um trygd.

Vit kunnu bjóða tær

– Eitt starv við breiðum fakligum avbjóðingum.

– Møguleikar fyri fakligari menning.

– Løn, ið samsvarar við útbúgving og royndir.

Tann, ið settur verður, skal hava koyrikort.

Umsókn

Umsóknir við prógvum, CV. o.ø. skulu sendast við telduposti á: starv@jkp.fo

Umsóknarfreistin er fríggjadagin 23. juni 2023. Starvið verður sett 1. september, ella eftir nærri avtalu.

Um spurningar eru í samband við starvið, ert tú vælkomin at tosa við Sigtór A. Petersen, stjóra, á telefon 585009.

Um J&K Petersen

J&K Petersen Contractors er entreprenørfyritøka, stovnað í 1975. Felagið er millum elstu entreprenørfyritøkur í landinum og fæst við jørð- og betongarbeiði umframt bygnings-, tunnla- og havnaarbeiði. Umleið 150 fólk starvast hjá J&K Petersen, sum somuleiðis hevur nógvar og góðar royndir við verklagsarbeiðum í øllum landinum. Eisini hevur fyritøkan J&K Betong um hendi.

FØROYSK BYGGING – FAKLIGUR STOLTLEIKI

Aðrar tilvísingar