Leys størv
Tá ið størv eru leys at søkja hjá Runavíkar kommunu, verða tey lýst her á síðuni.
Leiðari til Visit Runavík
Starvið sum leiðari í Visit Runavík er leyst at søkja.
Talan er um eitt tíðaravmarkað starv, frá 1. apríl 2024 til 1. mai 2025.
Søk starvið HER
Leiðarin í Visit Runavík er mentanarliga snúðningspunktið í einum meldri av virksemi. Runavíkar kommuna er í fúkandi menning, og her ýður av mentanarligum og vinnuligum virksemi av øllum handa slagi.
Umframt at leggja til rættis og at skipa dagligu leiðsluna, hevur leiðarin ábyrgd av marknaðarføring, menning og samskipan av tiltøkum. Í Visit Runavík arbeiða ein leiðari og tvey starvsfólk.
Starvið er sera fjølbroytt og fer fram í tøttum samstarvi við aðrar deildir og stovnar í kommununi, vinnulívið, staðbundnar nevndir, íverksetarar og áhugafeløg.
Millum formligu uppgávurnar, sum Visit Runavík hevur ábyrgdina av, eru:
- at leggja framtíðarætlanir fyri Kunningarstovuna
- at samskipa tiltøk í Runavíkar kommunu
- at marknaðarføra á øllum miðlum
- at røkja heimasíðuna og sosialu miðlarnar
- at samskifta við viðskiftafólk, ið venda sær til Kunningarstovuna
- at veita vitjandi dygga ráðgeving og góða tænastu
- at skapa sambond og netverk í øllum bygdum
- at samstarva við ferðavinnuveitarar og kunningarstovurnar í landinum.
Kravdir førleikar
Tú hevur:
- viðkomandi útbúgving í ferðavinnu og marknaðarføring, og tað er ein fyrimunur, um tú hevur virkisroyndir frá ferðavinnuhøpi
- evnir at stjórna og góð samstarvsevni
- dugir heilt væl føroyskt, norðurlendskt og enskt mál
- góðan telduførleika
Persónligir eginleikar
Sum persónur vænta vit, at tú:
- ert skapandi, ágrýtin og miðvísur
- dámar avbjóðingar, og hevur lætt við at samskifta og samstarva
- hevur eitt lætt lyndi og ert gyrðin
- trívist við at virka ímóti evstu mørkum
- hevur ein postivan hugburð
- hugsar nýtt og hevur dirvi
Umsókn
Umsóknir skulu sendast við at trýsta á leinkjuna "Søk starvið" ovast / niðast á hesi síðuni – í seinasta lagi 28. februar 2024.
Søk starvið HER
Spurningar kunnu eisini sendast til teldupoststøðina: runavik@runavik.fo
Nærri kunning
Nærri fæst at vita um starvið, við at venda sær til Torbjørn Jacobsen, borgarstjóra.
Vilt tú arbeiða heima
Vilt tú arbeiða heima við smáum børnum
Í dagrøktini eru 56 børn í aldrinum 0 - 3 ár og 17 dagrøktarar. Dagrøktin er væl skipað við spælistovu í Barnalonini, avloysara, ið hjálpir til við gestarøkt, og við økisnámsfrøðingi, ið leggur námsfrøðiligt lag á.
Vit bjóða dagrøktarum:
· Eitt sjálvstøðugt og fjølbroytt starv
· Hollan námsfrøðiligan stuðul frá leiðslu og økisnámsfrøðingi
· Skipað tilknýti til spælistovuna
Vit vænta, at dagrøktarar:
· kunna arbeiða sjálvstøðugt
· hava hug og áræði at skapa ein tryggan og mennandi gerandisdag við virðing og umsorgan fyri tí einstaka barninum
· hava góðar umstøður til børnini bæði inni og uttanfyri.
Lønarviðurskifti:
Dagrøktarar eru løntir eftir sáttmála millum Starvsfelagið og Kommunala Arbeiðsgevarafelagið og ganga stigini 2 - 9. Ein triðingur av lønini verður roknaður sum útreiðslur í sambandi við dagrøktina og er tí skattafríur. Egin børn undir 3 ár, eru partur av dagrøktini.
Hevur hetta tín áhuga, so fæst meir at vita um starvið, við at venda sær til Bjørg Rasmussen, leiðara, á tlf. 228594
Námsfrøðingar og hjálparfólk til Sóljuhjarta
Vit søkja eftir námsfrøðingum/hjálparfólkið til Sóljuhjarta.
Størvini eru til vøggustovu og barnagarð. Vit søkja eisini avloysarar, at senda boð eftir, eftir tørvi.
Um okkum:
Í Sóljuhjartanum starvast, um 40 fakligt dugnalig og íðin starvsfólk.
Vit hava 4 barnagarðstovur við 80 børnum og 2 vøggustovur við 26 børnum og 15 børn í náttúrbarngarði í Æðuvík.
Fyrst í komandi ári lata vit tvær nýggjar vøggustovur upp í Søldafjarðar skúla.
Sóljuhjarta liggur sentralt í meginøkinum.
Vit vænta av tær, at tú:
hevur umsorgan fyri børnum
er íðin, nærlagdur og álítandi
dugir væl at samskifta og hevur góð samstarvsevnir
hevur gott yvirlit og megnar væl at skipa dagin
er nýhugsandi, ígongdsetandi og megnar broytingar um so skuldi verið
sær møguleikar í náttúruni og gera brúk av teimum í arbeiðinum
Lønin er sambært sáttmála millum Føroya Pedagogfelag og Kommunala Arbeiðsgevarafelag Føroya
Nærri fæst at vita um størvini, við at tosa við til Káru Løkin,leiðara tlf. 297171