Ritstjóri til Bókadeildina, tíðaravmarkað starv fyri starvsfólk í barnsburðarfarloyvi
Bókadeild Føroya Lærarafelags søkir eftir ritstjóra at arbeiða hálva tíð fyri starvsfólk í barsilsfarloyvi at byrja 2. januar og alt 2021.
Starvið fevnir um fjølbroyttar uppgávur á forlagnum. Høvuðsuppgávurnar eru at ritstjórna upprunaføroyskar og týddar bøkur til útgávu, og stórur partur av hesum arbeiðnum er at rættlesa.
Til starvið krevst:
• Viðkomandi útbúgving og/ella starvsroyndir
• Stórur áhugi og vitan um bókmentir, serliga barna- og ungdómsbøkur
• Sera góðir málsligir førleikar at arbeiða við teksti og at rættlesa
• At tú arbeiðir sjálvstøðugt, men samskiftir opið og væl við onnur
Løn og setanartreytir eftir sáttmála við avvarðandi yrkisfelag.
Nærri fæst at vita um starvið við at venda sær til stjóran á Bókadeildini á tlf. 235772 ella á [email protected]
Skrivlig umsókn við avriti av viðkomandi prógvum og møguligum viðmælum skal vera Bókadeildini í hendi 30. november 2020:
Bókadeild Føroya Lærarafelags
Postrúm
FO-110 Tórshavn
Ella senda til [email protected]
Bókadeildin er forlag undir Føroya Lærarafelag, sum gevur út barna- og ungdómsbøkur, umframt barnabløðini STROK og Píka7. Vit hava bókaklubba fyri børnum og ungum í øllum aldri. Les meira á www.bfl.fo.