Elektrikarar til grønar orkuloysnir
Demich p/f hevur fingið góðkenning sum el-virki, og vit hava fyribils sett 2 elektrikarar í starv. Vit kunnu tó brúka fleiri, og søkja í tí sambandi eftir 1-2 elektrikarum afturat.
Vit bjóða eitt trygt og gott arbeiðspláss, við skipaðum umstøðum
fyri øll okkara starvsfólk.
Tú kemur at vera partur av okkara tænastudeild, har vit í løtuni
eru 12 starvsfólk.
Tú kemur at arbeiða tætt saman við samskiparanum og leiðaranum av
deildini, og vit vænta, at tú eisini er við til at menna deildina og tær
loysnir, ið vit bjóða okkara viðskiftafólkum.
Vit stremba áhaldandi eftir at hvessa okkum vitið í einum
nýhugsandi umhvørvi innan hita og ventilatiónsskipanir og stýringar til hesar.
Vit hava harumframt seinastu 10-15 árini lagt nógva orku í at vera
marknaðarleiðandi innan grøna orkuskiftið í Føroyum. At vit nú seta
elektrikarar í starv er ein týðandi partur av hesum arbeiði.
Vit bjóða eitt áhugavert og spennandi starv, við nógvum
avbjóðingum, har vit raðfesta tænastu, góðsku og gott handverk í tí, vit gera.
Vit vænta, at tú sum persónur ert nærlagdur, ágrýtin, røkin og
setir ávikavist tænastu og gott handverk í fremstu røð.
Tú ert útbúgvin elektrikari og hevur royndir innan el-arbeiði.
Tað er ein fyrimunur um tú hevur áhuga og/ella royndir við at loysa uppgávur
innan alternativa orku og stýringar.
Løn og setanartreytir sambært sáttmála við avvarandi felag, og
annars sambært avtalu.
Hevur tú spurningar um starvið, ert tú vælkomin at venda tær til
Torbjørn Hansen á [email protected] ella á tel. 200 300. Tú ert eisini
vælkomin at senda okkum eini boð á facebook.com/demichfo/
Send umsókn í seinasta lagi Leygardagin 31. Okt. 2020 til
Torbjørn Hansen [email protected]. Viðmerk “elektrikari”.
Demich telist millum størstu veitarar á føroyska marknaðinum
innan HVS, serliga viðvíkjandi hitapumpum og jarðhitaskipanum. Síðan nýggjar
orkuskipanir komu á marknaðin, hevur Demich lagt seg eftir at ment servitan um
økið. Seinnu árini hevur Demich veitt størri skipanir við ventilatión og hitaskipanir
til m.a. Glasir, Boðanesheimið, Landssjúkrahúsið og Føroya Tele. Hjá Demich
starvast í løtuni uml. 60 starvsfólk.