Tú skal kunna arbeiða skipað og sjálvstøðugt. Tú skal eisini kunna hugsavna teg um uppgávur, ið taka langa tíð at fremja. Tað er týdningarmikið, at tú dugir væl at síggja loysnir og dugir væl at samskifta og samstarva við onnur. Tú skal m.a. samstarva tætt við aðrar fakbólkar á Elektron. Økið KT-trygd er skipað sum ein stápsfunktión hjá stjóranum. 

Tú dugir at samskifta á føroyskum og enskum bæði í skrift og í talu.

Tað er ein fyrimunur, um tú hevur royndir og útbúgvingar innan KT, KT-trygd og dátuvernd – antin á bachelor ella masterstigi.

Vit vænta, at tú við tíðini tekur viðkomandi certificering/ar.

Høvuðsuppgávurnar eru m.a. at hjálpa til við at:

• Viðlíkahalda og menna politikkir, leiðreglur og mannagongdir
• Fylgja við og lýsa hóttanarmyndir og at gera váðametingar
• Fremja eftirlitsuppgávur
• Halda eyga við, at vit liva upp til krøv í lógum, reglum og standardum (Compliance)
• Vegleiða, stuðla og ráðgeva um trygd
• Undirvísa og hava awareness-átøk

Um Elektron

Á Elektron raðfesta vit trivnaðin høgt. Her skalt tú sum starvsfólk trívast, fáa hóskandi avbjóðingar og hava møguleikan at menna teg fakliga og persónliga. Vit ynskja eisini, at okkara starvsfólk eru eyðkend fyri sín eldhuga, ábyrgdarsemi og tænastuhuga. Tú kanst vænta tær eitt dámligt og óformelt samskifti við tínar starvsfelagar, har øll eru til reiðar at stuðla tær í tínum arbeiði. Lønin verður avtalað í mun til royndir og útbúgving.

Elektron er millum landsins størstu veitarar av KT-tænastum til fíggjarfyritøkur, almennar stovnar og privatar fyritøkur. Umframt at menna skipanarloysnir, bjóða vit tænastur sum t.d. hýsing, net, KT-ráðgeving, menning, Mínrokning og Print og Pakking.

Í Elektron starvast 66 fólk, og árliga sølan er uml. 100 mió.kr.

Umsókn

Hevur tú spurningar um starvið, ert tú vælkomin at seta teg í samband við:

Tanju Lið, KT-trygdarleiðara        
Tel. 295155 
Tpost: tanja@elektron.fo

Umsókn skal sendast til hr@elektron.fo

Umsóknarfreistin er 30.05.2024